Bilhete-Identidade ne'e hanesan dokumentu ida-ne'ebé prova Timoroan ida nia nasionalidade no identidade sivíl, iha autoridade no entidade públiku ka privadu sira-nia oin.

Se mak bele husu serbisu ne'e: Hetan bilhete-identidade ne'e obrigatóriu ba sidadaun nasionál sira, no aprezentasaun ne'e obrigatóriu bainhira lei ezije.

Instituisaun responsavel: Departamentu Rejistu no Notariu Ministeriu Justisa.

Kanál prestasaun servisu:

Territoriu Nasional: Servisu ne'e fornese mesak iha Unidade Rejistu no Departamentu Notariadu Ministeriu Justisa, Dili no Munisipiu sira.

Oras abertura:

Prosedimentu ne'ebé presiza atu asesu ba servisu:
Pedidu ba bilhete-identidade foun: Bilhete-identidade ne'e husu husi ema ne'ebé kaer dadus identifikasaun nian, iha formuláriu espesífiku ida, ne'ebé kompleta ho hakerek legál, sein alterasaun, erasaun ka entre liña sira, ho asinatura ne'ebé baibain uza husi nia. Kuandu aplikante ne'e seidauk to'o tinan sanulu-resin-rua ka la iha kapasidade ka bandu, pedidu ne'e mós tenke asina husi inan-aman ka reprezentante legál ida.

Bilhete-identidade ne'e validu ba tinan lima wainhira fó sai molok aplikante to'o tinan neenulu, no sidadaun ne'e tenke husu atu halo renovasaun.

Formuláriu pedidu ne'e tenke akompaña ho dokumentu sira tuir mai:

• fotografia rua ne'ebé hanesan no foin lalais ne'e kona-ba aplikante nia oin, tipu pasaporte, ho kór no ho background mutin, iha kondisaun di'ak no medida apropriadu ba modelu kartaun identidade;
• sertidaun moris RDTL;
• Iha kazu hetan sidadania (adquirida), tenke aprezenta mós sertifikadu nasionál Timor nian;

Lejislasaun relasionadu: Dekretu-Lei no. 2/2004, 4 Fevereiru.